Saturday, 16 January 2016

प्रयत्न

जगणे  काय जन्म कशाला 
प्रश्न उगाच पुन्हा पडला 

अस्तित्वाच्या या धाग्याला  
जुनाच ताण थोडा बसला 

नावाचीच पाटी होती 
काही शब्द पाटीवरती 

कोण कुठूनी कधी आला 
खबरही नव्हती कुणाला 

माझ्यात हा नवीन मजला 
कुणी पोसला का कशाला  

कुणाकुणास कळल्या वाचुनि   
तण उगा का आले वाढुनि

एक वन्ही आतून फुटावा  
जगण्याचा या यज्ञचि व्हावा 
 
हवा प्रयत्न थोडा धीर 
इथे नसतो कधीच उशीर

सागर नाईकडे